АЙМАҚ

СПОРТ

ҚОҒАМ

Құттықтаулар

Мұрағат: 06.03.2018


«Жас Ұлан» партриоттар форумы

Күні: , 490 рет оқылды


Сейсенбі күні Амангелді мектебі базасында «Жас Ұлан» балалар мен жасөспірімдер ұйымының аудандық патриоттар форумы өтті. Аталмыш шара Елбасының «Рухани жаңғыру» бағдарламалық мақаласынан туындайтын «Тәрбие және білім» кіші бағдарламасы аясында «Отаным-тағдырым» базалық бағытында бойынша ұйымдастырылды.


Оған аудан әкімінің орынбасары Л.Жұбанышқалиева, «Нұр Отан» партиясы аудандық филиалы төрағасының бірінші орынбасары Д.Ғазез, ауылдық округ әкімі Қ.Жұмагереев, аудандық білім бөлімінің басшысы А.Нарымбаев және  барлық орта мектеп директорлары мен ұстаздар, жасұланшылар қатысты.

Форум өз жұмысын «Жас Ұлан» Гимнімен бастап, ортаға Ғазиз Байтасов атындағы 17-ші Республикалық Жас Қозғалыс инспекторлары байқауының жеңімпазы, жасұланшылар салтанатты түрде «Жас Ұлан» туын алып кірді.

Қолдарына жалаушалар ұстап, Қазақстан! Нұрсұлтан! «Жас Ұлан»! деп ұрандатқан аудан белсенділері жиналғандарға патриоттық рух сыйлады.

Жиында алғаш болып сөз алған аудан әкімінің орынбасары Люция Әсетқызы көктемнің алғашқы мерекесі «Алғыс айту» күнінің маңызына тоқталып, өзге ұлт өкілдерінің қиын қыстау кезеңде қолтығынан демеп, көмек қолын созған қазақ халқына ризашылық білдіретін күн екенін тілге тиек етті.

-Біздің болашағымызды сеніп тапсыратын сіздей белсенділеріміздің болғанына қуаныштымыз. Елді сүю, ата-ананы құрметтеу, туған жерге деген сүйіспеншілігімізді одан әрі дамыта түсу сіздердің міндеттеріңіз. Осындай патриот балаларымыздың барын біз мақтан етеміз. Аудан бойынша өздеріңіздей 2397 жасұланшылар бар. Олардың қатары жыл сайын толығып отырады. Сондықтан бүгінгі ұйымдастырылып отырған маңызы зор бұл форум барша оқушыларға үлкен серпіліс береді деп білемін, — деді өз сөзінде.

Одан әрі форум жұмысы 6 топқа бөлініп,  белгіленген тақырып бойынша өз жобасы мен идеясын ұсынып, жоспарларымен таныстыру болды. Он бес минут уақыт аралығында топ мүшелері өз спикерлерімен бірге мәселені талқылап, тезистер құрып, ұсыныстарын ортаға салды.

С.Жақсығұлов атындағы мектептің директоры, спикер Айгүл Қадырбайқызы жетекшілік еткен бірінші топ «Жарқын болашаққа – нық қадам», «Шипов» орта мектебінің директоры, спикер А.Дүйсенов жетекшілік еткен екінші топ «Ұлттық құндылықтар бойымызда», «Нұр Отан» партиясы аудандық филиалы төрағасының бірінші орынбасары, спикер Думан Ғазез бастаған үшінші топ «Мәңгілік ел — жаңғыруы тіл», спикер А.Айсағалиев бастаған топ «Ұланымыз — ұлы елдің» тақырыбында өз жобаларын қорғаса, спикер, Амангелді мектебінің түлегі, Берік Калиев жетекшілік еткен төртінші топ «Ел ертеңі — білімді ұрпақ» және А.Шапенов бастаған соңғы топ «Жас Ұлан және көшбасшы» тақырыбында өз ойларын ортаға салып, ұсыныстарын білдірді.

Форум барысында құнды пәкірлер айтылып, шаралар жоспарланды, сонымен қатар алдағы кезеңге жаңа жоспарлар құрылды. Белсенділер өз ойларын ортаға салып «Рухани жаңғыруды» әркім өзінен бастау керектігін айтты. Сонда ғана біздің болашағымыз жарқын, алар асуларымыз көп болмақ деп қорытындылады.

Жиын барысында аудандық балалар саз мектебінің М.Самиева жетекшілік ететін ұлт аспаптар оркестрі өнер көрсетті. Сондай-ақ халықаралық «Ақ көгершін» байқауының лауреаты, «дала сазы» байқауының бірінші орын иегері Д.Мендалиев пен Алматы қаласында өткен «Аналар асыл жандар» республикалық мәнерлеп оқу байқауының бас жүлде иегері Ш.Серіков, «Жайна» би тобы өнерлерін ортаға салды.

Назгүл СЕРІКҚЫЗЫ

 

Тасқалада 7 тұрғын газдан уланды

Күні: , 814 рет оқылды


Тасқала ауданында соңғы екі аптада 7 тұрғын табиғи газдан уланған. Бұл туралы аудандық төтенше жағдайлар бөлімінің бастығы Мәди Шауенов айтты.


-Ауа райы суытқан кезде тек өрт емес, кей кездері адамның өліміне әкеліп соғатын улы газдан улану жағдайларының саны өседі. Улы газ – пайдаланылған газдың улы бөлігі. Көп жағдайда улы газдан улану көмірмен немесе газбен жағылатын пештерді немесе қазандықтарды дұрыс пайдаланбаудан, тазаланбаған мұржалардан туындайды. Тұрғындардың улану себептері мұржаның уақытында тазаланбауынан. Негізінен үш айда бір рет мұржаны тазалап отыру қажет. Халық мұқият болса екен. Мезгілімен тазалап отырса,  тіпті қажет болса арнайы маманды да шақыртуға болады, — дейді Мәди Тахирұлы.

Айта кетейік, 17-21 жас арасындағы 3 қыз, жастары жетпіске таяған екі тұрғын  немерелерімен уланған. Аудандық орталықтандырылған ауруханада бір күн жатып, ем қабылдаған. Қазір жағдайлары қалыпты.

Д.БЕРІШ

 


Қатаң сөгіс берілді

Күні: , 1 369 рет оқылды


«Екпін» газетінің №5 санында, облыстық «Орал өңірі» газетінің №14 санында жарық көрген тілші Е.Елекеновтың Тасқала аудандық ауруханасында мамандардың неліктен кетіп жатқандығын, электронды таблоның неліктен қойылмағандығын, сонымен қатар шекарашы жігіт пен бір жарым айлық нәрестенің өліміне қатысты «Өзекті жанға бір өлім деске те дәрігерлер неге дайын тұрмайды?!» атты жазылған сыни мақаласына орай аурухана басшылығы былайша жауап береді.


Қазіргі уақытта  аудандық ауруханада акушер-гинеколог, педиатр, кардиолог, анестезиолог-реаниматолог, ЛОР-дәрігері жетіспейтіні рас. Қажет мамандардың тізімі облыстық денсаулық сақтау басқармасына берілді. Бүгінде Орал қаласындағы акушер-гинеколог және кардиологпен келісімшарт жасалды. Алматыдағы, Ақтөбедегі ЖОО-ларға сұраныс жіберіп, керек мамандарды шақырамыз.

Рентгенолог біліктілігін арттыру курсынан өтіп сертификатын алды.  Оған дейін рентгенографиялық қорытындылары талдау келісімшарт бойынша Орал қаласының рентгенологы іске асыруда. УЗИ диагностикасы бойынша дәрігер біліктілігін арттыруда. Кардиолог маманы баласының жасқа толмауына байланысты тек сенбі күні жұмыс жасайды.

Электрондық табло орнату  мәселесі бойынша Тасқала ауданында халық санының аздығына байланысты (Тасқала ауданы бойынша адам саны -16948, Тасқала ауылы бойынша  8037 адам) электронды табло орнату орынсыз деп танылды.

Қайтыс болған шекарашы Жәнібек Телжановқа аурухана мамандары алгоритім бойынша көмек көрсеткенімен науқасты аман алып қалу мүмкін болмады. №837 сот-медициналық қорытындысы бойынша Ж.Телжановтың өлімінің себебі: «Острая коронарная недостаточность. Коронарокардиосклероз. Хроническая ишемическая болезнь сердца».

Ал, ауруханаға ауыр халде жеткізілген бір жарым айлық нәресте  Иманғали Алан Роланұлын аман алып қалу үшін облыстан  санитарлық авиация шақырылды. Алайда көрсетілген шұғыл-медициналық көмекке қарамастан сәби о дүниелік болды. Өліміне себеп болған: «Двухсторонняя бронхопневмония, острое течение ДН 2-3 ст. ППЦНС, гипоксическо-ишемического генеза, Отек головного мозга, судорожный синдром».

 Нәрестенің жағдайын толық деңгейде бақыламағаны үшін Достық ауылдық округіне қарасты Ынтымақ елді мекенінің фельдшері А.М.Маханға тәртіптік жаза ретінде қатан сөгіс берілді.

Аудандық аурухананың барлық құрылымдық бөлімшелеріне 5 жасқа дейінгі балаларды бақылау және респираторлық инфекциялардың алдын алу туралы түсіндіру жұмыстары жүргізу мақсатында дәрігерлер командасының шығуы ұйымдастырылды.

            2018 жылдың 9 ақпан күні  облыстан эндокринолог, кардиолог, гастроэнтеролог мамандары арнайы келіп, балаларға консультативтік көмек көрсетті.

Тасқала аудандық ауруханасының басшысы,

Г.КЕНЖЕШЕВА


БҚО, Тасқала ауданы, Тасқала ауылы, Жақсығұлов көшесі, 5
zhaik_presscenter@mail.ru
ekpin_1936@mail.ru

"Екпін" газетінің бас редакторы: 8 (71139) 21-1-32
.